ԱՄՆ ֆինանսների նախարար Թիմոթի Գեյթները կիրակի հայտարարել է, թե Միացյալ Նահանգները չի կորցնի վարկային ամենաբարձր ААА վարկանիշը։ «Մեր երկրի հետ նման բան երբեք չի լինի»,- ասել է Գեյթները ABC News-ին տված հարցազրույցում։
Հիշեցնենք, որ անցյալ չորեքշաբթի վարկանշային Moody՚s գործակալությունը զգուշացրեց, թե ԱՄՆ պետպարտատոմսերի վարկային բարձագույն ААА վարկանիշը վտանգի տակ է, և եթե Նահանգները չկրճատի բյուջեի դեֆիցիտը, իսկ երկրի տնտեսությունը չսկսի աճել, ապա վարկանիշը կարող է նվազեցվել։
Նման «մեղադրանքին» Գեյթները հարցազրույցի ժամանակ պատասխանել է, թե ներդրողները ֆինասնական ճգնաժամի պայմաններում խաղաղ նավահանգիստ էին փնտրում հենց ամերիկյան պետպարտատոմսերում։ «Սա մեր պետության կայացվածության նկատմամբ վստահության շատ կարևոր ցուցիչ է»,- ասել է Գեյթները։
Բացի այդ՝ ԱՄՆ ֆինանսների նախարարը «տնտեսական վերականգման նշաններ» է տեսնում՝ տարեկան կտրվածքով տնտեսական աճն այժմ 6%-ի սահմաններում է, իսկ վերջին տվյալներով սկսել է նվազել գործազրկությունը։ Այդուհանդերձ, վերականգնումը «որոշ ժամանակ կխլի ու անկայուն կլինի»։
|
