Հանքարդյունաբերական շվեյցարական Xstrata Plc. ընկերության զուտ շահույթը 2009թ. արդյունքներով նվազել է 41%-ով և կազմել $2,77 մլրդ՝ համեմատ 2008թ. $4,7 մլրդ ցուցանիշի։ Այս մասին ասվում է ընկերության այսօր տարածած ֆինանսական հաշվետվության մեջ։

Նախորդ տարվա արդյունքներով ընկերության հասույթը նվազել է 16%-ով և կազմել $23,53 մլրդ՝ համեմատ 2008թ. $27,95 մլրդ ցուցանիշի։ Հաշվետու ժամանակահատվածում ընկերության գործառնական շահույթը եղել $4,31 մլրդ, ինչը ևս 41%-ով քիչ է 2008թ. ցուցանիշից ($7,26 մլրդ)։

Նշենք, որ Xstrata-ն ածուխ արտահանող աշխարհում խոշորագույն ընկերությունն է։ Ընկերության եկամուտների երկրորդ հիմնական աղբյուրը պնձի արտադրությունն է։