Հայաստանը չի կարող մրցակցել Աֆղանստանի հետ
Գորգագործությունը Հայաստանում անկում է ապրում

24 Հունիս 2010թ. Հայաստանը դրամի արժեզրկման  և համաշխարհային պահանջարկի կրճատման արդյունքում կորցրել է մեկ մրցունակ ոլորտ՝ գորգագործությունը։ Գորգագետ Աշխունջ Պողոսյանը երեկ լրագրողների հետ հանդիպման ժամանակ ասել էր, որ Հայաստանը ժամանակին եղել է գորգագործական մշակույթի բնօրրաններից մեկը, սակայն իրավիճակն այսօր այդպես չէ:   

Շուկան տեղում չի դոփում


23 Հունիս 2010թ. Անցյալ տարվա երկրորդ կեսից սկսած` Հայաստանի ինտերնետ հասանելիության ծառայությունների շուկայում մրցակցությունը գնալով սրվում է: Շատացել են ոչ միայն մանրածախ ինտերնետ պրովայդերները, այլև մեծածախները: «ԱրմենՏելը» այս երկու ոլորտում էլ լուրջ դերակատարություն ունի: Ընկերության գլխավոր տնօրեն Իգոր Կլիմկոն «Կապիտալի» հետ զրույցում պարզաբանում է` ինչ զարգացումներ են լինելու այս ոլորտում առաջիկայում:   

Հունվար-մայիսին` 8.8% աճ
Աճել է նույնիսկ շինարարությունը

22 Հունիս 2010թ. Հայաստանի տնտեսական աճն արագացել է. այս տարվա առաջին հինգ ամիսների ընթացքում նախորդ տարվա հունվար-մայիսի համեմատ տնտեսական աճը կազմել է 8,8%: Հայաստանի ՀՆԱ-ն  հունվար-մայիսին կազմել է Դ1016,8 մլրդ, փաստում է Ազգային վիճակագրական ծառայությունը: Այս տարվա հինգ ամսվա ընթացքում աճ է արձանագրվել տնտեսության բոլոր ճյուղերում, նույնիսկ շինարարությունում։ Հիշեցնենք, որ հունվար-ապրիլին տնտեսական աճը կազմել էր 7,2%։   

Ամեն ինչ կարելի է կառուցել, բայց ամեն բան իր գինն ունի


19 Հունիս 2010թ. 2008թ. ռուսական «Ռոսիյսկիե ժելեզնիե դորոգի» (ՌԺԴ) ընկերությունը 30 տարով ստանձնեց հայկական երկաթուղու հավատարմագրային կառավարումը և ստեղծելով «Հարավկովկասյան երկաթուղի» (ՀԿԵ) ընկերությունը` պարտավորվեց կոնցեսիայի ողջ ընթացքում կատարել $570 մլն-ի ներդրումներ, ընդ որում` $194 մլն-ը` մինչև 2010թ.: Ի՞նչ աշխատանքներ են կատարվել հայկական երկաթուղում, և ի՞նչ անելիքներ դեռ կան`«Կապիտալին» մանրամասնել է ՀԿԵ-ի գլխավոր տնօրեն Շևքեթ Շայդուլինը:   

Գումարներ, որոնք հետ չեն գալու
Կամ Հայաստանի բջջային շուկայի առանձնահատկությունները

17 Հունիս 2010թ. Հայաստանի բջջային հեռախոսակապի շուկայի թեժացած մրցակցության արդյունքում ամենամեծ բաժանորդային բազա ունեցող «ՎիվաՍել-ՄՏՍ»-ն այս տարվա առաջին եռամսյակի բոլոր ֆինանսական ցուցանիշներով  անկում է արձանագրել։   

Կառավարությունը պրոտեկցիոնիզմի զոհ է դարձել
Էկոնոմիկայի փոխնախարարն արդարացված է համարում Ուկրաինայի հայցը Հայաստանի դեմ

16 Հունիս 2010թ. Հայաստանի կառավարությունը հայտնվել է բավական տհաճ վիճակում և ներկայում ստիպված է մտածել` ինչպես լուծել խնդիրը, որն առաջացել է սիգարետների և ալկոհոլի արտասահմանյան, այդ թվում` ուկրաինական արտադրողների նկատմամբ խտրական քաղաքականություն վարելու արդյունքում:   

Ռուսներն սկսել են էժանագին վիսկիներ խմել
Բայց ԵԿԳ-ն վաճառքների 10% աճ է ակնկալում

16 Հունիս 2010թ. Երևանի կոնյակի գործարանն այս տարի իրեն անհրաժեշտ խաղողի ծավալներից շուրջ երկու անգամ ավելի է մթերելու, բայց այդ ծավալը 2009թ. համեմատ կկրճատվի շուրջ 3 հազ. տոննայով (կրճատումը կլինի մոտ 10%)։  ԵԿԳ-ի գործադիր տնօրեն Արա Գրիգորյանն ասում է, որ այս տարի մթերվելու է 29 հազ. տոննա խաղող, ինչը առնվազն 15 հազ-ով ավելի է, քան ներկայում անհրաժեշտ է գործարանին, բայց ավելի շատ ծավալ գնելով` իրենք ցանկանում են սատարել համագործակցող խաղողագործներին։ «Թողարկելով Հայաստանում արտադրվող կոնյակի 20-22%-ը՝ ԵԿԳ-ն չի կարող մթերել ողջ խաղողի 90%-ը»,- նկատեց Գրիգորյանը։   

Ծիրանն առայժմ ինքնաթիռով է գնում
Չնայած «Վերին Լարսը» բաց է

15 Հունիս 2010թ. Հայաստանում արդեն սկսվել է ծիրանի բերքահավաքի և արտահանման գործընթացը: Չնայած մարտի 1-ից գործում է ռուս-վրացական սահմանի «Վերին Լարս» մաքսային անցակետը, սակայն ներկայում հայ գործարարները ստիպված են ինքնաթիռով արտահանել ծիրանը, քանի որ բերքահավաքը նոր է սկսվում, և ծավալները բավարար չեն արտահանումը ցամաքային տրանսպորտով իրականացնելու համար։   

Ավելի քիչ տեսչություններ ու լաբորատորիաներ
Կառավարությունը որոշել է վերափոխել Հայաստանի որակի ենթակառուցվածքը

15 Հունիս 2010թ. Հայաստանի կառավարությունը որոշել է լուրջ բարեփոխումներ իրականացնել ստանդարտացման, չափագիտության, հավատարմագրման, փորձարկման, փորձաքննության և սերտիֆիկացման բնագավառում։ Էկոնոմիկայի նախարարությունը մշակել է որակի ենթակառուցվածքների բարեփոխման 10 տարվա ռազմավարության ծրագիր, որի նպատակն է «կրճատել  տնտեսավարող սուբյեկտների վրա դրված չափազանց  ծանր վարչական  բեռը,  որը  սահմանվում է ներկայիս տեխնիկական  կանոնակարգերով, հնացած  ստանդարտներով  և  պարտադիր  սերտիֆիկացման  պահանջներով»։   

«Սթարը» բացեց 14-րդ խանութը
Մինչև տարեվերջ ցանցը կունենա 18 խանութ

12 Հունիս 2010թ. «Սթար» առևտրային ցանցը ընդլայնման քաղաքականության մեկամյա ընդմիջումից հետո երեկ Երևանի Կենտրոն համայնքում բացեց նոր «Սթար» սուպերմարկետ։ Նորաբաց խանութը թվով 14-րդն է, իսկ Կենտրոնում` 4-րդը: Այն փոքր ֆորմատի խանութ է` լրիվ ինքնասպասարկմամբ:   

 Էջեր:   1 2 3 4 5 6 7 8 9 10